Son xəbərlər

Bütün xəbərlər

Seçilmiş xəbərlər

Redaktor seçimi

Yazar məqalələri

Ens.az yazarlarının moderasiyadan keçərək dərc edilmiş ən yeni məqalələri.

Bütün yazar məqalələri

Yazarlar

Burada yalnız ən azı bir təsdiqlənmiş məqaləsi olan və public profilini aktiv edən yazarlar görünür; sadəcə şərh yazan hesablar siyahıya düşmür.

Bütün yazarlar

Ensiklopediya

Bütün məqalələr

Tarixdə bu gün

11 noyabr
Arxiv

  • 1918-ci il. Birinci Dünya müharibəsi başa çatıb. 1914-cü il iyulun 28-də başlayan, dörd il davam edən müharibənin nəticəsində Antanta tərəfindən 5. 953 372 nəfər həlak olub, 4. 000 676 nəfər itkin düşüb. İttifaq dövlətlərinin verdiyi itki 4. 043 397 nəfər, itkin düşənlərin sayı isə 3. 470 138 nəfər olub.

  • 1948-ci il. Mingəçevir şəhər statusu alıb. Kür çayının sahillərində yerləşən Mingəçevir əhalisinin sayına görə Azərbaycanın dördüncü böyük şəhəridir.

  • 1921-ci il. Xalq Şairi, “Şöhrət” ordenli Balaş Azəroğlu anadan olub (1921-2011). Şairin ilk mətbu şeri "Dnepr" 1937-ci ildə Bakıda çapdan çıxıb. Şairin ilk şeir kitabları 1943-cü və 1945-ci illərdə Ərdəbildə və Təbrizdə nəşr olunub. Çoxcildlik “Azərbaycan ədəbiyyatı”nın müəlliflərindən biri olan B.Azəroğlu, farscadan dilimizə çevirdiyi, Nizaminin “Yeddi gözəl” poemasını, Füzulinin qəzəllərini çap etdirib. B.Azəroğlu “Mübarizə yollarında” (1950), “Gənclik dostlarım” (1950), “Mənim nəğmələrim” (1952), “Səhər şəfəqləri” (1953) və digər əsərlərin müəllifidir.

  • 1934-cü il. Azərbaycanın Xalq Artisti, “Şöhrət” ordenli İslam Rzayev anadan olub (1934-2008). Qarabağ xanəndəlik məktəbinin layiqli davamçılarından olan İ.Rzayev peşəkar musiqi təhsilini Bakıda Azərbaycan Dövlət Musiqi Məktəbində (indiki Bakı Musiqi Kolleci) Seyid Şuşinskinin sinfində alıb. Müğənninin böyük məharətlə oxuduğu “Çahargah”, “Bayatı-Kürd”, “Mahur-Hindi”, “Rast” muğam dəstgahları AzTV-nin musiqi fonduna daxil edilib. İ.Rzayev “Gəl inad etmə”, “Dağlar başı”, “Almadərən” kimi bir sıra mahnılar da bəstələyib. O öz yaradıcılığında bəstəkar əsərlərinə də müraciət edib. Cahangir Cahangirovun “Nəsimi”, “Aşıq Alı” və s. kantatalarında solo partiyanı ifa edib. İyirmi ilə yaxın Muğam Teatrının bədii rəhbəri vəzifəsində çalışmış Xalq Artisti 120-dək gənc ifaçı yetişdirib.

  • 1951-ci il. Azərbaycan aktyoru, Xalq Artisti İsmayıl Hidayətzadə vəfat edib (1901-1951). Aktyorluqla yanaşı, rejissorluğa da maraq göstərən İ.Hidayətzadənin quruluş verdiyi “Koroğlu” və “Arşın mal alan” tamaşaları 1938-ci ildə Moskvada keçirilən Azərbaycan mədəniyyəti günlərində böyük uğur qazanıb. Teatr tənqidçilərinin bəyəndiyi "Siyavuş"dan sonra o, Opera və Balet Teatrında "Koroğlu" və "Karmen" operalarını səhnələşdirib, Rus Dram Teatrında "1905-ci ildə" və "Vaqif" tamaşalarını qoyub. İ.Hidayətzadə Moskvadan qayıdandan sonra Opera və Balet Teatrının rəhbəri təyin edilib. Cəfər Cabbarlı məhz İ.Hidayətzadə üçün rollar yazar, İsmayıl isə bir qayda olaraq, öz rollarının prototipini axtararmış. O, ilk milli baletimizin -"Qız qalası"nın librettosunu yazıb. Opera studiyası onun səyi ilə yaradılıb. Bütün ömrü boyu teatrda çalışan sənətkar "Qız qalası" (1923), "Altıncı duyğu" (1935) və "Almaz" (1936) filmlərində də çəkilib. 2001-ci ildə aktyorun 100 illik yubileyi təntənə ilə qeyd edilib.

  • 1944-cü il. Türkiyənin məşhur kino və teatr aktyoru Kamal Sunal anadan olub (1944-2000). Əsasən komediya janrında filmləri ilə tanınan aktyor xalq arasında Şaban adı ilə məşhurlaşıb. Yaradıcılıq fəaliyyəti dövründə 82 filmdə çəkilən K.Sunal əsasən saf, təmiz qəlbli xarakterləri canlandırıb.