190 manatla bağlı gələn bu mesajlara aldanmayın xəbərdarlıq- Fotofakt
Ens.az xəbər verir ki, vətəndaşların mobil telefonlarına Whatsap platforması vasitəsi ilə Əmək və Əhalinin Sosial Sosial Müdafiə Nazirliyinin adından ismarıçlar gəlir. İsmarıçın mətnində göndərilən linkə daxil olaraq 190 manat ödəməni alacaqları bildirilir. Nazirliyin Mətbuat katibi Fazil Talıbov Xeberle.com-a açıqlamasında bildirib ki, vətəndaşlar bu tip ismarıçlara aldanmasınlar: "Bu dələduzların növbəti fırıldağı ola bilər. 190 manat ödənişini alacaq vətəndaşlar may ayı ərzində banklar vasitəsi ilə kartlarını artıq alıblar və artıq ödənişi bir dəfə kart vasitəsi ilə əldə ediblər. Növbəti ödəniş də həmin kartlara ödəniləcək və banklar tərəfindən bununla bağlı onlara sms bildiriş göndəriləcək. Digər halda heç bir bir linkə daxil olmaq və yaxud da sms-lərə məhəl qoymaq düzgün deyil. Nazirlik həmin sms-ləri də araşdıracaq".
Şərhlər
Şərhləri göstər Şərhləri gizlət