2 litr sərfiyyatlı yeni Mercedes S-Class

Mercedes Frankfurtdakı motorşouda S 560e hibridini təqdim etdi ki, o S500e modifikasiyasını əvəz edəcək. Avtomobil həm əvvəlki modeldən, həm də 3,0 litrli 340 at güclü V6 mühərriki ilə təchiz olunmuş 400d dizel modifikasiyasından daha qənaətli oldu.

Sedan hibrid S 560 100km yürüşə 2,1 litr yanacaq sərf edir – bu əvvəlki modeldən 0,7 litr və 400d modelindən 3,6 litr daha qənaətcildir. Yeniliyin hibrid güc quraşdırması 367 at gücü olan üç litrli “altılıq” və doqquz diapazonlu “avtomat”la birləşdirilmiş 122 güclü elektrik motorundan ibarətdir.

S 560 e sedanı 100 km sürəti 5 saniyəyə yığır. Maksimal sürət saatda 250 km-dir.  Elektrik dartma qüvvəsi ilə sedan 50km məsafə qət edə bilər.

S 650 e modelinin standart təchizatına Mercedes me servisi üzərindən temperaturun əvvəlcədən quraşdırılması ilə klimat sistemi, qızdırılma və ventilyasiyalı oturacaq, sükan, mərkəzi konsoldakı qoltuqaltı və qapıların qızırılması daxildir. Sedan sürücüyə daha qənaətcil sürmə stilini məsləhət görmək üçün naviqasiya sistemi, yol nişanlarının və radarların müəyyən olunması sistemindən əldə olunan məlumatları analiz edən ECO Assist sistemi ilə komplektləşdirilir.

Müəllif: Famil Ələkbərov

Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.

Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.