Slimfit
  1. CƏMİYYƏT

32 ildən sonra Laçında ikinci dəfə toy sədası eşidilib

32 ildən sonra Laçında ikinci dəfə toy sədası eşidilib
Sakura

32 ildən sonra Laçında ikinci dəfə toy sədası eşidilib

30 ildən çox düşmən əsarətində qalan torpaqlarımızda indi həyat yenidən canlanır.

Ens.az AZƏRTAC -a istinadən xəbər verir ki, bir vaxtlar 18 may tariximizə qara hərflərlə, yəni Laçının işğal günü kimi yazılmışdısa, artıq o günlər geridə qalıb.

İndi mayın 18-də laçınlılar toylu-büsatlı günlərini doğma yurdlarında qeyd edirlər. Bu gün 32 ildən sonra Laçın torpaqlarında ikinci dəfə toy sədası eşidilib.

Laçında illər sonra ikinci toy mərasimi Zabux kəndində gerçəkləşib. Toy mərasimi həm də el adəti ilə, yəni mağarda gerçəkləşib.

Zabux kəndinin gəncləri olan Laçın Cəlil oğlu Vəliyev və Nuray Namiq qızı Abbasovanın şad günündə ailə üzvləri ilə bərabər kənd sakinləri, Laçın rayonunda Azərbaycan Respublikası Prezidentinin Xüsusi Nümayəndliyinin əməkdaşları və digər şəxslər də iştirak ediblər. Gəlinlə bəy toy mağarına daxil olduqdan sonra Dövlət Himni səsləndirilib, şəhidlərin xatirəsi sükutla anılıb. Sonra kənd ağsaqqaları hər iki gəncə xeyr dua veriblər və şənlik başlayıb.

Qeyd edək ki, Laçının Zabux kəndində torpaqlarımız azad edildikdən sonra ilk toy mərasimi martın 8-də olub.

Hazırda Zabux kəndində 217 ailə olmaqla, 823 nəfərin daimi məskunlaşması təmin edilib. Bundan başqa Laçın şəhərində 493 ailənin, yəni 1838 nəfərin, Sus kəndində isə 20 ailənin, yəni 75 nəfərin daimi məskunlaşması həyat keçirilib.

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Kosmik stansiya öz çəkisində olan qızıldan 30 dəfə bahadır.

Redaktor seçimi

SON XƏBƏRLƏR