ABŞ-də məhkəmə hakimləri Trampın dövründə daha çox təhdidlə üzləşməyə başlayıblar

ABŞ-də ölkə Prezidenti Donald Trampın qərarlarını bloklayan federal hakimlər onun tərəfdarlarından çoxsaylı təhdidlər almağa başlayıblar və öz təhlükəsizlik xidmətlərinə müstəqil surətdə rəhbərlik etmək istəyirlər.

Ens.az Oxu.az-a istinadən xəbər verir ki, bu barədə "The Wall Street Journal" qəzeti mənbələrə istinadən məlumat yayıb.

Onların məlumatına görə, mart ayında Vaşinqtonda keçirilən qapalı iclasda 50-yə yaxın hakim ABŞ-nin hazırkı administrasiyasının siyasətinə zidd olan qərarlara görə üzləşdikləri təhlükələri müzakirə edib.

Nəşrin yazdığına görə, onlarla hakim və onların qohumları təhdid bağlamaları və bomba hədələri alıb.

ABŞ Ali Məhkəməsinin özünün təhlükəsizlik xidməti mövcuddur. Digər federal hakimləri Ədliyyə Departamentinin nəzarətində olan Marşal Xidməti tərəfindən qorunur.

Hakimlər qorxurlar ki, Trampa tabe olan Ədliyyə Nazirliyi prezidentin qərarlarını blokladıqları üçün onların təhlükəsizliyini ləğv edə bilər.