ABŞ Ermənistana əlavə olaraq 1,4 milyon dollar ayırıb

ABŞ hökuməti 2020-ci ildə Ermənistana 4 milyon dollar yardım göstərib.

ABŞ Dövlət Departamenti tərəfindən Ermənistana koronavirus pandemiyasının fəsadları ilə mübarizə üçün 1 milyon 436 min dollar məbləğində əlavə yardım ayrılıb. Ens.az bildirir ki, bu barədə avqustun 24-də USAİD-in İrəvandakı nümayəndəliyinin mətbuat xidməti məlumat verib.

 Bu məbləğin 1 milyon dolları bu ölkədə kənd təsərrüfatının və turizmin bərpası tədbirləri üçün nəzərdə tutulub və 436 min dollarının isə pandemiya səbəbiylə daimi yaşayış yerlərinə qayıtmaqda çətinlik çəkən miqrantlara yardım üçün yönləndiriləcəyi deyilir.

 Hesabatda qeyd olunur ki, ümumilikdə ABŞ hökuməti 2020-ci ildə Ermənistana təxirəsalınmaz yardım olaraq təxminən 4 milyon dollar yardım göstərib.

Mənbə: yandex.ru