6 iyun 2020, şənbə
.
.
chevron_left chevron_right
İQTİSADİYYAT

ABŞ-ın bu addımı nefti bahalaşdıracaq - Ekspert

ABŞ-ın bu addımı nefti bahalaşdıracaq - Ekspert

106 Baxış
ABŞ-ın bu addımı nefti bahalaşdıracaq - Ekspert
Dinləmə sayı: 0

ABŞ-ın Meksika körfəzində neft hasilatını dayandırması dünya bazarlarında neftin qiymətinə müsbət təsir edəcək. Səudiyyə Ərəbistanın neft hasilatının azaldılması üçün OPEK+ iştirakçılarının və digər ölkələrin təcili iclasını çağırması da hazırda neft bazarında vəziyyətin kritik həddə olduğunu göstərir. Neft hasil edən ölkələr ortaq məxrəcə gələsələr, düşünürəm ki, neftin qiymətində artım müşahidə olunacaq.

Bu sözləri Axar.az-a açıqlamasında iqtisadçı ekspert Natiq Cəfərli ABŞ Prezident Adminstrasiyasının Meksika körfəzindəki hasilatın dayandırılması qərarının neft qiymətlərinə təsirini şərh edərkən deyib.

“Bu açıqlama ABŞ-ın Meksika körfəzində neft hasilatını tam dayandıracağı anlamına da gəlmir. Çünki neft quyularının uzun müddət istifadə edilməməsi zamanla yataqlara su yığılmasına gətirib çıxara bilər. Bu isə öz növbəsində çıxan nefti dəyərsiz bir hala gətirər. Bu baxımdan texnoloji olaraq ABŞ-ın Meksika körfəzində neft hasilatını tam dayandırması mümkün deyil”, - ekspert bildirib.

N.Cəfərli qeyd edib ki, iki gündür neftin qiymətində artıq yüksəlmə müşahidə olunur:

“Bu mənada deyə bilərəm ki, bu tipli xəbərlər ilk növbədə neftin qiymətinin qalxmasında psixoloji təsir mexanizmini yerinə yetirir”.

Ekspert bildirib ki, OPEK+ ölkələrinin iclası ərəfəsində ABŞ-ın neft hasilatını azaltması olduqca müsbət haldır:

“Bu gün neftin qiymətinin 10 dollora qədər düşmə ehtimalı var. Əgər bu reallaşarsa, bundan sonra əldə ediləcək istənilən razılaşma faydasız olacaq. Nəzərə almaq lazımdır ki, hazırda bazarda normadan artıq xam neft var. Hətta vəziyyət o həddə çatıb ki, neft ölkələri gündəlik hasil olunan nefti saxlamağa yer tapa bilmirlər. Keçən həftə neftə təlabat gündəlik 20 milyon barrel azalmışdısa, hazırda bu göstərici 30 milyon barrelə çatıb”.

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Ko Pxi Pxi Don, Tailand
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X