ABŞ-ın İrana qarşı yeni sanksiyaları qanunsuz və mənasızdır - İran XİN
ABŞ-ın İrana qarşı yeni sanksiyaları qanunsuz və mənasızdır. SİA xəbər verir ki, bu barədə İran XİN-in rəsmi nümayəndəsi Abbas Musəvi açıqlama verib. "Təəssüf ki, amerikalılar birtərəfli, qanunsuz və mənasız hərəkətləri davam etdirir", - deyə İran Xarici İşlər Nazirliyinin mətbuat xidmətinin məlumatında deyilir. Musəvi, eyni zamanda, "ABŞ-ın İran şirkətləri və vətəndaşlarına qarşı tətbiq etdiyi yeni sanksiyaları sərt şəkildə pisləyib". ABŞ cümə günü İran qüvvələrinin ABŞ-ın İraqdakı bazalarına hücumu ilə əlaqədar yeni sanksiyalar tətbiq edib. Sanksiyalar İranın 17 dağ-mədən və metallurgiya şirkətinə, eləcə də onlarla əməkdaşlıq edən xarici gəmilərə şamil edilib. Bundan əlavə, İranın 8 yüksək vəzifəli məmuruna qarşı da məhdudiyyətlər tətbiq edilib.
Şərhlər
Şərhləri göstər Şərhləri gizlət