"ABŞ rus mütəxəssislərin laboratoriyaları ziyarət etməsinə qarşı deyil" - Səfir
"ABŞ Rusiya Federasiyası dövlət orqanlarının nümayəndələri və mütəxəssislərinin Amerikanın maliyyə vəsaitləri ilə Ermənistanda yaradılmış bioloji laboratoriyalara yaxın gələcəkdə daxil ola biləcəyinə qarşı deyil".
Ordu.az erməni KİV-lərinə istinadən xəbər verir ki, bu barədə ABŞ-ın Ermənistandakı səfiri Lin Treysi İrəvan və Moskvanın tezliklə bu laboratoriyaların Rusiyanın səhiyyə və hərbi mütəxəssislərinin üzünə açılması üçün memorandum imzalanacağı ilə bağlı rəsmi bəyanatları şərh edərkən bildirib.
Lin Treysi bu sahədə Ermənistan və Rusiyanının əməkdaşlıq etməsi məsələsində problem görmədiyini ifadə edib.
"Biz, hələ 2008-ci ildən bəri Ermənistan hökuməti ilə bioloji təhlükəsizlik məsələləri üzrə əməkdaşlıqdan qürur duyuruq. Bu laboratoriyalar məhz bu əməkdaşlığın nəticəsidir", - deyə səfir qeyd edib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət