ABŞ "Tramp marşrutu" üçün Ermənistana 145 milyon dollar ayırmağı planlaşdırır

ABŞ "Tramp marşrutu" üçün Ermənistana 145 milyon dollar ayırmağı planlaşdırır

"ABŞ "Trampın Beynəlxalq Sülh və Rifah Marşrutu" (TRIPP) təşəbbüsünü həyata keçirmək üçün Ermənistana 145 milyon dollar yardım göstərmək niyyətindədir".

Oxu.Az-ın "İnterfaks" agentliyinə istinadən verdiyi xəbərə görə, bunu ABŞ Dövlət Departamentinin Avropa və Avrasiya Məsələləri üzrə Bürosunun direktoru Brendan Hanrahan Ermənistanın baş nazirinin müavini Mher Qriqoryanla İrəvanda keçirilən görüşdə deyib.

"Konqreslə əməkdaşlıq çərçivəsində biz Ermənistana 145 milyon dollar ayırmağı planlaşdırırıq. Bu, "Trampın Beynəlxalq Sülh və Rifah Marşrutu" təşəbbüsü və avqustun 8-də onunla bağlı əldə olunmuş müvafiq razılaşmalar çərçivəsində maliyyənin ilk tranşıdır", - deyə o vurğulayıb.

Hanrahanın sözlərinə görə, vəsaitlər ticarət, infrastruktur, kritik vacib mineralların tədarük zəncirləri və transsərhəd təhlükəsizliyin təmin edilməsinə investisiyaların dəstəklənməsi üçün ayrılacaq.