Ağ Aşıq Allahverdi - Kəklik
Baharın gülşən çağında,
Uçar daşdan-daşa kəklik.
Ovçu görsə, səkər asta,
Sinər daşdan-daşa kəklik.
Məskən salar qayalarda,
Özü göyçək boyalarda,
Gözdən uzaq sayalarda,
Çökər daşdan daşa kəklik.
Süsənbərim göylər mahı,
Ağ Aşığın qibləgahı.
Əyir belim yarın ahı,
Bükər başdan-başa kəklik.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət