Ağ Aşıq Allahverdi - Yaxşıdır
Qəm çəkmə, ey könül, fani dünyada,
Qılınc çəksən dərdə, aha yaxşıdır.
İbadət et, leyli-nahar sal yada,
Şükür etsən bir Allaha yaxşıdır.
Əl çirkidi qızıl, mal ilə dövlət,
Kim tapıb onunla dünyada şöhrət.
Namussuz, qeyrətsiz olsa bir övrət,
Onu atsan fızıllığa yaxşıdır.
Düşün ədaləti, unutma daha,
Ağada iman yox, sultanda səxa,
Nəsihətli sözlər deyim bir daha,
Haram yüzdən, halal şaha yaxşıdır.
Ağ Aşıq elini etdilər talan,
Namərdlər mərd olub, mərdlərsə yalan,
Atalar ölərkən yurdunda qalan,
Qeyrətli övladı daha yaxşıdır.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət