Aİ liderləri Putin və Trampın danışıqlarından sonra Ağ Ev rəhbərinin bəyanatlarından heyrətləniblər
Avropa İttifaqı (Aİ) liderləri Rusiya prezidenti Vladimir Putinlə telefon danışığından sonra ABŞ Prezidenti Donald Trampın səsləndirdiyi bəyanatlardan ciddi şəkildə təəccübləniblər.
Ens.az Oxu.az-a istinadən xəbər verir ki, bu barədə "Financial Times" qəzeti məsələ ilə tanış mənbələrə istinadən məlumat yayıb.
Qəzetin yazdığına görə, danışıqların detalları barədə məlumatlı olan şəxslərdən biri bildirib ki, Aİ liderləri Trampın əldə olunan razılaşmaları təsvir etmə tərzindən heyrətləniblər.
Mənbənin sözlərinə görə, Avropa nümayəndələrini xüsusilə təəccübləndirən məqamlardan biri Trampın Rusiya ilə Ukrayna arasında vasitəçi rolundan imtina etmək ehtimalı barədə açıqlaması olub.
Bundan əlavə, Aİ liderləri Tramp və Putin arasında mümkün razılaşma ehtimalından narahatdırlar. Onlar hesab edirlər ki, belə bir sövdələşmə ABŞ-nin Ukraynanın maraqlarını qurban verməsi ilə nəticələnə bilər.
Şərhlər
Şərhləri göstər Şərhləri gizlət