AnTuTu versiyasına əsasən ən güclü 10 smartfon
Ens.azPopulyarnaya Mexanika-ya istinadən xəbər verir ki, məşhur bençmark komandası hər ay qadcet həvəskarlarını Android ƏS üzərində işləyən ən məhsuldar smartfonların reytinqi ilə sevindirir. Avqust da istisna olmadı.
Reytinqdə ilk yeri 293 min antutu xalı ilə Xiaomi Black Shark tutdu. Bu təəccüblü deyil, çünki xəbərlərdə onun “oyun” üçün olması qeyd olunur.
İkinci və üçüncü mövqelərdə müvafiq olaraq Meizu 15th (291 025) və Smartisan Nut R1 (289490) yer tutur. Dördüncü yeri iyul ayında liderlər üçlüyündə olan Vivo NEX (286 286) tutub. Ən məhsuldar smartfonların reytinqində beşinci yerdə Xiaomi Mi 8 Explorer Edition (286 268) qərar tutub.
İkinci beşliyə (ardıcıllıqla) Oppo Find X, OnePlus 6, Samsung Galaxy Note9, Xiaomi Mi 8 və Mi Mix 2S düşüb.
iPhone reytinqdə iştirakçıların əməliyyat sisteminə olan məhdudiyyətinə görə iştirak edə bilmir. Amma iştirak etsə, məşhur cihaz ilk onluğa belə düşə bilməzdi. Buna baxmayaraq, Apple bu il bir müddət sonra cihazlarının əvvəlkilərdən daha sürətli olacaq yeni versiyalarını bazara çıxaracaq.
Şərhlər
Şərhləri göstər Şərhləri gizlət