Şirkət rəsmi olaraq bu məlumatı şərh etməyib.
Amerikanın Apple şirkəti Apple Store mağazalarının işçilərinə, koronavirusun təsiri səbəbindən, şirkətin tədarük şəbəkələrində, zərər görəcəyi təqdirdə əvəz ediləcək iPhone smartfonlarının olmaması ilə əlaqədar xəbərdarlıq edib. Bu barədə Ens.az saytı "Bloomberg" ə istinadən xəbər verir.
Apple Store əməkdaşının sözlərinə görə, şirkət tərəfindən mağazalardakı texnoloji dəstək xidmətlərinə ciddi zədələnmiş cihazları əvəz edəcək smartfonların bir neçə həftə ərzində qıt olacağı bildirilib.
Qeyd olunur ki, smartfon çatışmazlığı koronavirusun yayılmasının Apple-ın təchizat şəbəkəsinə təsiri ilə əlaqədardır. Apple Mağazasının işçiləri müştərilərə əvəz edilmiş iPhone telefonlarını poçtla göndərməyi təklif edə biləcəklər.
Bundan əlavə, bəzi Apple Store mağazalarında smartfonlar üçün hissələrin çatışmazlığı da hiss olunur. Ancaq Apple nümayəndələri bu məslələrə şərh verməkdən imtina ediblər.
Xatırladaq ki, daha əvvəl Apple-ın koronavirusun yayılması ilə əlaqədar olaraq 31 Mart 2020-ci il tarixinə planlaşdırılan iPhone SE 2 elanını təxirə sala biləcəyi bildirilmişdi. Yeni smartfonun elanında problemlər Çində istehsalın dayandırılması ilə əlaqədardır.
Bundan başqa, Apple yeni koronavirusun yayılması səbəbiylə məhsullarının Çində pərakəndə satışını da dayandırmışdı.
Mənbə: www.rbc.ua
Şərhlər
Şərhləri göstər Şərhləri gizlət