Aprel şəhidimizin doğum günüdür - Bu universitet həmin döyüşdə dörd məzununu şəhid verdi...

Aprel şəhidimizin doğum günüdür - Bu universitet həmin döyüşdə dörd məzununu şəhid verdi...

Bu gün şanlı aprel döyüşlərində şəhid olan əsgərimiz Elvin Azadxan oğlu Mirzəyevin doğum günüdür. E.Mirzəyev 1994-cü il fevralın 13-də Xaçmaz rayonunda anadan olub. Elvin üç qardaşından sonra evin sonbeşiyi idi. O, Çingiz Abdullayev adına 2 saylı tam orta məktəbi bitirdikdən sonra 2011-ci ildə Azərbaycan Texniki Universitetinin Energetika fakültəsinə daxil olub. Ali təhsilini başa vurduqdan sonra hərbi xidmətə yollanıb. 2016-cı il aprel döyüşləri zamanı Elvin Mirzəyev qəhrəmancasına şəhid olub.

 

Aprelin 9-da şəhid Elvin Mirzəyev doğulduğu Xaçmaz rayonunda böyük izdihamla dəfn edilib. Ölümündən sonra Azərbaycan Respublikasının Prezidenti İlham Əliyevin sərəncamı ilə “Hərbi xidmətdə fərqlənməyə görə” üçüncü dərəcəli medalı ilə təltif edilib.

 

Qeyd edək ki, aprel döyüşlərində Azərbaycan Texniki Universitetinin dörd məzunu, Axundov Əbdülməcid Nadirşah oğlu, Orucov Müşfiq Arif oğlu, Quliyev Mahir Qadir oğlu və Mirzəyev Elvin Azadxan oğlu qəhrəmancasına şəhid olub. Həmçinin 2016-cı il dekabrın 29-da şəhid olan Milli Qəhrəman Çingiz Salman oğlu Qurbanov da universitetin “Xüsusi texnika və texnologiya” fakültəsinin məzunudur. 

 

Allah cəmi şəhidlərimizə rəhmət eləsin!

 

 

Mənbə: Moderator.az