Araz Yaquboğlu - Sən yadıma düşürsən
Bir sevişən görəndə,
Bir öpüşən görəndə.
Bir küsüşən görəndə,
Sən yadıma düşürsən.
Sən yadıma düşəndə,
Öz dünyamdan qoparır.
Xəyal məni aparır,
On il əvvələ gülüm,
O xoş illərə gülüm.
Əllərimin əlinə
Dəydiyi o ilk günü.
Xatirəmdən çıxmayan,
O “ərk” günü tək günü,
Xatırlayıb ağlaram.
Ah necə də gözəlmiş,
Ötüb keçən o günlər.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət