1. MARAQLI

Artıq İtaliyanın rəsmi himni var

Artıq İtaliyanın rəsmi himni var

Artıq İtaliyanın rəsmi himni var

Hər ölkə vacib milli simvollara malikdir: gerb, bayraq və himn. Lakin İtaliyada indiyə qədər rəsmi himn yox idi: bütün tədbirlərdə 1946-ci ildə “müvəqqəti himn” kimi təsdiq olunmuş mahnı səsləndirilirdi.

İtaliya senatının konstitusional işlər üzrə komissiyası “İtalyanların mahnısı” (Il Canto degli Italiani, “İtaliyanın Qardaşları”) mahnısına rəsmi himn statusu verdi. Lakin heç kim onu öyrənməli olmayacaq: onillərlə bu mahnı “müvəqqəti himn” olub. 1946-cı ildə İtaliya respublika oldu və cavan dövlət üçün müvəqqəti olaraq bu mahnı himn seçildi. Mətni Qoffredo Mameli adlı şair yazıb, musiqisi isə bəstəkar Mikele Novaroya aiddir.

Daha əvvəllər 1861-ci ildən 1946-cı ilə qədər İtaliya Krallığının Krallıq marşı (ital. Marcia Reale d’Ordinanza) olub. O monarxiyanın ləğvi, həmçinin ölkənin keçmiş faşizmi ilə əladədar olmasına görə ləğv olundu. Patriotik mahnı Mameli 70 il ərzində rəsmi tədbirlərdə səsləndirilib, lakin rəsmi status vermilməmişdi: bəziləri hesab edirdi ki, Cüzeppe Verdinin bəstəsi olan  Va' pensiero himni dövlət simvoluna daha uyğun idi.

Nəticədə referendum keçirildi, altmış illik mahnının tərəfdarları qalib gəldi. Müvafiq qanun layihəsi 2016-cı ildə qəbul olundu. Bundan sonra İtaliya Konstitusiyasının 12-ci bəndinə dəyişiklik lazım oldu: “Respublika himni Il Canto degli Italiani mahnısıdır” bəndinin əlavə olunması. Bu qərar ancaq 2017-ci ilin noyabr ayında qəbul edildi.

 

Tərcümə: Famil Ələkbərov

Mənbə: National Geographic Russia

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.