Aşıq Abbas Tufarqanlı - Əzizim
Gəzdim İsfahanı, nisfi-cahanı,
Sənin kimi gözəl hanı, əzizim?!
Dodağın şəkərdi, şəhdi mat eylər,
Ağzın içi gövhər kanı, əzizim!
Siyah zülfün dal gərdəni döydümü?
Onun dərdi mənim qəddim əydimi?
Zalım şahın ali sənə dəydimi?
Dağıdaram xanimanı, əzizim!
Qəmzəsi bəllidi qaşü-gözündən,
Mən öpmədim yanağından, üzündən,
Əyləmə qapında, çuğul sözündən,
Abbas kimi növcavanı, əzizim!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət