Aşıq Abbas Tufarqanlı - Öp

Könül, Məcnun kimi yayın dağlara, 
Əyil, bu lalənin budağmdan öp! 
Pərvanə tək dolan yarın başına, 
Arala tellərin, qabağından1 öp!

Almaq olmaz nanəcibin qızını, 
Çəkmək olmaz bədəsilin nazını,
O üzünü, bu üzünü, gözünü, 
Dilindən, dişindən, dodağından öp!

Kitabda oxunan sina yaxşıdı, 
Seyrağıb gərdəni sına yaxşıdı 
Mən dedim: öpməyə sinə yaxşıdı, 
Könül ha yalvarır, buxağından öp!

Bağçalar titrəşir bardan ötəri, 
Almadan, heyvadan, nardan ötəri, 
Abbas, ağlayırdın yardan ötəri,
Dur, şahimərdanın ayağından öp!