Aşıq Abbas Tufarqanlı - Yetişər

Gözəl Pəri, mənlə yaman başlama,
Mənim ərzim gedər, xana yetişər,
Qaşların ləl olsa, yoxdu qiyməti,
Min tüməndi, bəzirgana yetişər.

Məclisinə sürahilər düzülər,
Ala gözlər xumarlanıb süzülər,
Bir muyun üzülsə, canım üzülər.
Zəlzələsi al-Osmana yetişər.

Abbas deyər: Pərim niqabı atdı,
Camalm göstərdi, günü yubatdı.
Ağ üzdə xalların Misri-nabatdı,
Səkkiz cənnəti-rizvana yetişər.