Aşıq Ələsgər - Dayanmaz
Könlümün şüşəsi, saqın ki, sınar,
Toxunarsa ayna daşa, dayanmaz.
Əl dəyməmiş yaraların sızıldar,
Vursan sinəm üstə maşa, dayanmaz.
Xəstə könlü istər narı görəndə,
Çaşır ağlım-huşum yarı görəndə.
Bülbül gül üstündə xarı görəndə
Qan ağlar, ruxsarı yaşa dayanmaz.
Ələsgər də nazlı vara qul ola,
Yanıb cismi ataşına kül ola.
Canı çıxar dərd ürəkdə bol ola,
Qəm qalxıb başından aşa, dayanmaz.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət