Aşıq Heydər - Kirvə məni qonaq eylə
Salam Əleyküm, Məşədi,
Məşədi bir ağa kişidi.
Kişi, əl- ayağım üşüdü,
Kirvə, məni qonaq eylə.
Gəlirdim Güllübulaqdan,
Boran da qaxdı qabaqdan.
Utan bizim kirvalıqdan,
Kirvə, məni qonaq eylə.
Bozqaladan qaxdı duman,
Şalvar altda yoxdu tuman.
Məşədidən qaçır iman,
Kirvə, məni qonaq eylə.
Görüm səni burda tək qal,
Qonaq eylə məndən haqq al.
Boynu yoğun, özü çaqqal,
Kirvə, məni qonaq eylə.
Boran imkan vermir əsir,
Maşqı da amanımı kəsir.
Aşıq Heydər tir- tir əsir,
Kirvə, məni qonaq eylə.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət