Aşıq Heydər - Oy oda məni
Mən qürbətin qucağında yatıram,
Bir kimsənəm yoxdu, oyada məni.
Yavaş – yavaş qəm gölündə batıram,
Harda yaxaladı oy, qada məni!?
Tor görür gözlərim, gəzə bilmirəm,
Dərdimi vətənə, yaza bilmirəm,
Arvadın cəbrinə dözə bilmirəm,
Didir, parçalayır, oy, o da məni.
Qul Heydərəm, bir il qürbətdə qalan,
Yurdu talan olan, eli dağılan.
Şamu - səhər bu Mərənddə ağlayan,
Zalım fələk salıb, oy, oda məni.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət