Aşıq Hüseyn Şəmkirli - Kimi
Gözəldi qılığın, nə xoşdu soyun,
Suyun şirin abi-həyatı kimi,
Şəkərdi dəhanın, məzədi dilin,
Dodaqların Misir nabatı kimi.
Altından zər geyib, üstdən qələmkar,
Böyür düymə, gen küləçə, yaxa dar,
Sevdiyimin əcəb gül camalı var,
Bədirlənmiş ayın savatı kimi.
Başmda örpəyin bağı ipəkdən,
Qızıl qotaz çal keçirdir dirsəkdən,
Aylar, illər həsrətini çəkməkdən,
Hüseynəm, incəldim xəyatı kimi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət