Aşıq Mirzə Bilal - Dünyadı
Ay sevənim, sev məni
Dünya bekara dünyadı.
Ona uyub küsmə məndən
Gəlməyən kara dünyadı.
Bilməzsən dostdu-düşməndi,
Xəyalı tez dəyişəndi,
Qəfildən üzü dönəndi,
Etməyən çara dünyadı.
Bərkdə-boşda yox hünəri,
Verdiyini alar geri,
Bilal kimi aşıqları
Yandıran nara dünyadı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət