Aşıq Musa - Yüküm (Hikmətindən bağlanıbdı)

Aşıq Musa - Yüküm (Hikmətindən bağlanıbdı)

Hikmətindən bağlanıbdı,
Dürrə misaldı yüküm.
Nə alan var, nə də satan,
Cavahir, ləldi yüküm.
Hər kim mənlə cəng eyləsə,
Eylərəm cəngü cədəl.
Dost yolunda can verərəm,
Böylə xəyaldı yüküm.

Cəng eyləyən tez eyləsin,
Qoy ucaldaq biz avaz.
Dayanmışam bu meydanda
Əlimdə sədəfli saz.
Həm uzağam, həm yaxınam,
Həm dərinəm, həm dayaz.
Həm şirinəm, həm acıyam,
Dəymişdi, kaldı yüküm.

Təvəkkül ol, aşıq Musa,
Sığın qadir sübhana.
Cuşa gəlib dərya dilim,
Dalğalanır hər yana.
Qadirbilən igidlərə
Sərin qurban mərdana.
Qadirbilməzlər yanında
Çıx uzaq yoldu yüküm.