Aşıq Nəsib - Mən gəzirəm bu yaşımda
Mən gəzirəm bu yaşımda,
Bu dünyanın qarasında.
İş gətdi ki, rast olduq,
Qağızmanın yörəsində.
Sinəm başı düyün-yara,
Taleyim kəm, bəxtim qara.
Qovuşmadım nazlı yara,
Durdum dərdin bərəsində.
Tanrı hər işdən halidi,
Sözüm ellərin malıdı.
Nəsib qırxların quludu,
Əhli-hallar arasında.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət