Aşıq Qurbani - Yaratdı

Haq-taala könlündә fikir eylәdi,
Әzәl başdan bu dünyanı yaratdı.
Öz adı bir ikәn hәzar eylәdi,
Çәkdi sudan öz eyvanın yaratdı.

Haq-taala qoyub әdalәt divan,
Yoluyla getmәyәn olar bәdgüman,
Alәmә çırovqan,1 ulduza düşman
Ayı, günü, şiraslanı yaratdı.

Qurbani qurbandı haqqın özünә,
Gecә-gündüz yuxu getmәz gözünә.
Pәrdәsi çәkilib әrşin üzünә,
Göylәr bulud, ol dumanı yaratdı.