Ens.az
12 noyabr 2019, çərşənbə axşamı
.
.
chevron_left chevron_right
YAŞAYAN MİLLİ QƏHRƏMANLAR

İntiqam Atakişiyev Vahid oğlu

DOĞUM TARİXİ: 07/04/1974

1360 Baxış
İntiqam Atakişiyev Vahid oğlu

7 aprel 1974-cü ildə Qəbələ rayonunun Tüntül kəndində kolxozçu ailəsində anadan olub. 1991-ci ildə Tüntül kənd orta məktəbini bitirib. 1992-ci ildə Qəbələ rayon Hərbi Komissarlığı tərəfindən Milli Orduya çağırılıb. Ordu sıralarında nümunəvi əsgər kimi xidmət edir. Yüksək əsgəri keyfıyyətlərini nəzərə alıb, onu Türkiyəyə hərbi zabitlər kursuna göndərirlər.

O, orduya çağırıldığı ilk günlərdən ön cəbhədə olmuşdur. Ağdam, Tərtər və Qubadlı rayonlarında gedən ağır döyüşlərdə Öz şücaətini nümayiş etdirmişdir.

İntiqam Murovdağ döyüşlərinin birində yaralanır. Mingəçevirdə yerləşən hərbi hospitalda iki ay müalicə olunduqdan sonra yenidən döyüş bölgəsinə qayıdır.

Öz xidməti borcunu layiqincə yerinə yetirən cəsur döyüşçü 1995-ci ilin martında dövlətçiliyimiz əleyhinə yönəldilmiş qəsdin aradan qaldırılmasında fəal iştirak etmiş, igidlik nümunəsi göstərmişdir. İntiqam Atakişiyev 776 saylı hərbi hissənin qrup komandiri, bölük komandirinin müavini, bölük komandiri vəzifələrində çalışmış, kapitan rütbəsinəcən yüksəlmişdir.

Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Atakişiyev İntiqam Vahid oğluna “Azərbaycanın Milli Qəhrəmanı” adı verilmişdir.

Kapitan İ.Atakişiyev 776 saylı hərbi hissə komandirinin maddi texniki təminat üzrə müavini vəzifəsində çalışmışdır.

 İntiqam gözəl ailə başçısıdır, iki övladı var.

O, xeyirxah bir insan, öz vətəndaşlıq mövqeyilə seçilən bir hərbçi kimi tanınır. İntiqam Atakişiyev təhsil aldığı məktəbin önündə, Vətən uğrunda şəhid olmuş soydaşlarımızın xatirəsini əbədiləşdirmək üçün abidə qoyulmasının təşəbbüskarı olmuş və bunun üçün öz maddi və mənəvi köməyini əsirgəməmişdir.

Mənbə: Milliqahramanlar.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Fukan - eyni adlı çin şəhərində 2000-ci ildə aşkar olunmuş əsrarəngiz gözəlliyi olan meteorit. Əvvəlcə o bir tondan artıq çəkiyə malik idi, amma sonra bir neçə hissəyə bölündü. Fukan bütün meteoritlərin cəmi 1%-ni təşkil edən pallasitlər növünə aiddi
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X