Audi avtomobilləri onlayn satacaqdır

Audi avtomobilləri onlayn satacaqdır

Audi şirkəti ilk dəfə olaraq, diler mərkəzinə baş çəkmədən avtomobili almaq imkanı təklif edəcəkdir. Bu ilin 5 iyun tarixindən başlayaraq markanın alman saytında Audi TT modelinin Quantum Gray Edition adlı eksklyuziv versiyasının onlayn satışlarına başlanacaqdır. Avtomobilin qiyməti 62305,03 avro təşkil edəcəkdir.

 

Pilot layihəsi, Audi şirkətinin 2017-ci ilin payızından başlayaraq ikinci əl avtomobillərinin onlayn satışı üçün istifadə etdiyi platformada həyata keçiriləcəkdir.  Onlayn şəkildə satılacaq Audi TT Quantum Gray Edition modeli diler mərkəzlərində sifarişi mümkün olmayan xüsusi dekor və təchizata malikdir. Sayt vasitəsilə alıcı avtomobilin qeydə alınması üçün ərizəni yerləşdirə və onu satın almaq üçün təklif edilən maliyyələşdirmə paroqramlarından birini seçə bilər. Müştərinin arzusu ilə avtomobili Almaniyanın istənilən nöqtəsinə çatıdırıla bilər.

Onlayn alış zamanı müştəriyə xüsusi məsləhətçi yardım edəcəkdir. Müştərinin tələbi ilə o, real vaxt rejimində avtomobilin salonunu və ya digər hissələrini müştəriyə göstərə bilər.  Bununla bərabər, diler mərkəzləri əvvəlki kimi istehsalçı üçün xüsusi əhəmiyyət daşıyacaqdırlar. Diler mərkəzləri onlayn şou-rumların ayrılmaz hissəsi olacaqdırlar. Gözlənilənə görə, onlayn şou-rumlar Audi şirkətinə təklif edilən modellərin sayını artırmaq imkanı verəcəkdir.