AVRO-2020: Daha bir ölkə UEFA-ya təminat verdi
Azərbaycandan sonra Rumıniya da AVRO-2020-nin oyunlarını qəbul etməyə hazır olduğunu açıqlayıb.
Ens.az Report.az-a istinadən xəbər verir ki, bu barədə yerli federasiyadan TASS-ın sorğusuna cavab olaraq bildirilib.
Paytaxt Buxarestin qitə futbol qurumuna dövlət təminatı verdiyi vurğulanıb.
Qeyd edək ki, Avropa çempionatı 12 şəhərdə - Bakı, Sankt-Peterburq, London, Münhen, Roma, Buxarest, Dublin, Kopenhagen, Bilbao, Qlazqo, Budapeşt və Amsterdamda keçirilməlidir. İngiltərə paytaxtındakı "Uembli" stadionunda 7 oyunun, o cümlədən yarımfinal və final qarşılaşmalarının təşkili nəzərdə tutulub. Azərbaycan tərəfi AVRO-2020-nin təşkil edəcəyinə dair UEFA-ya dövlət təminatı verib.
Şərhlər
Şərhləri göstər Şərhləri gizlət