Avropa Komissiyası Ermənistan üçün bazarlarını açır

Avropa Komissiyası (AK) Ermənistana 38 milyon avro həcmində maliyyə dəstəyi göstərəcəyini və Avropa bazarını erməni məhsullarının 80 faizi üçün əlçatan edəcəyini bəyan edib.

Ens.az Oxu.az-a istinadən xəbər verir ki,bu barədə AK-nın rəhbəri Ursula fon der Lyayen İrəvanda keçirilən mətbuat konfransında məlumat verib.

"Ermənistanın ixrac potensialını dəstəkləmək məqsədilə 18 milyon avro ayıracağıq, - deyə fon der Lyayen Ermənistanın baş naziri Nikol Paşinyanla görüşdə bildirib. - Əlavə 20 milyon avro isə sərhədyanı zonalarda məskunlaşan icmaların inkişafına yönəldiləcək".

AK rəhbəri qeyd edib ki, qurum Rusiyanın göstərdiyi iqtisadi təzyiqləri müşahidə edir və Avropa İttifaqı (Aİ) öz yolunu seçmiş tərəfdaşlarına qarşı yönələn bu cür hallarla daim mübarizə aparır.

O, həmçinin erməni ixrac mallarının 80%-i üçün Aİ bazarının qapılarını açmağa söz verərək, Ermənistandan gətirilən ilk çiçəklərin artıq Avropa İttifaqı ərazisinə çatdığını vurğulayıb.