Avropa Komissiyası Rusiyanın aktivləri hesabına Kiyevə daha 25 milyard avro ayırmaq niyyətindədir

Avropa Komissiyası (AK) Rusiyanın şəxsi hesablarda dondurulmuş aktivləri hesabına Ukraynaya daha 25 milyard avro təzminat krediti ayırmaq üçün yollar axtarır. Bununla da Brüssel Avropa Komissiyasının sentyabrda Kiyevə Rusiya vəsaitləri hesabına verməyi vəd etdiyi 140 milyard avro təzminatı artırmağı planlaşdırır.

Ens.az Oxu.az-a istinadən xəbər verir ki, bu barədə "Politico" yazıb.

AK Rusiya aktivlərini ilin sonunadək ekspropriasiya etməyi planlaşdırır

Avropa İttifaqının (Aİ) paytaxtlara göndərdiyi sərəncamda deyilir ki, təzminat krediti təşəbbüsünün Aİ ərazisində dondurulmuş digər Rusiya aktivlərinə şamil edilib-edilməməsi imkanları nəzərdən keçirilməlidir. Dərhal da qeyd edilib ki, bu prosesin qanuniliyi hələ ətraflı öyrənilməyib və belə bir təhlil olmadan heç bir qərar qəbul edilə bilməz.

Bildirilib ki, AK-nın təklifi Aİ ölkələrinin maliyyə nazirlərinin noyabrda nəzərdə tutulan görüşündə müzakirə ediləcək.