Avropa Komissiyasının keçmiş rəhbəri Jak Delor vəfat etdi

Avropa Komissiyasının keçmiş rəhbəri Jak Delor vəfat etdi

Avropa Komissiyasının keçmiş prezidenti, fransız siyasətçi və dövlət xadimi Jak Delor 98 yaşında vəfat edib.

Ens.az Yeniavaz.com-a istinadən xəbər verir ki, bu barədə “Agence France-Presse”ə siyasətçinin qızı, Lill şəhərinin meri Martin Obri məlumat verib.

Fransa Prezidenti Emmanuel Makron sosial şəbəkə hesabında paylaşım edərək siyasətçinin ölümündən təəssüfləndiyini bildirib:

“Onun sədaqəti, idealları və ədaləti həmişə bizi ruhlandıracaq. Mən onun işinə heyranam və yaxınlarının ağrısını bölüşürəm”.

Qeyd edək ki, 1985-ci ilin yanvarında Delor 1993-cü ildə Avropa Komissiyası adlandırılan Avropa Birlikləri Komissiyasının prezidenti oldu və ona üç müddət - 1995-ci il yanvarın sonuna qədər rəhbərlik etdi. Delor Vahid Avropa Bazarının formalaşması üçün özünün “1992-ci il Proqramı”nın həyata keçirilməsi planını özündə əks etdirən Ağ Kitabın yaradılmasının təşəbbüskarı olub.