Ekspertlərə görə, iri timsahın ağ rəngdə olması nadir hadisədir.
Avstraliyada ağ rəngli timsahın gözə dəyməsi xəbərini yerli turizm operatorları maraqla qarşılayıb.
Pearl (Mirvari) adı verilmiş timsah Darwin şəhəri yaxınlığında axan Adelaide çayında bazar günü aşkar olunub.
Heyvanı görən bir şahid alliqatorun 3 metr uzunluğnda olduğunu bildirib.
Ekspertlərə görə, timsahın ağ rəngdə olmasının səbəbi onun dərisində melanin piqmenti çatışmazlığı ilə bağlı ola bilər.
Avstraliyadakı timsahların rəngi bir qayda olaraq boz rəngdən tutmuş yaşıladək olan spektrlə əhatə olunur.
Charles Darwin Universitetindən olan tədqiqatçı Adam Britton qeyd edir ki, timsahın ağ rəngdə olmasının səbəbləri genlərdən və ya inkubasiya dövrünün necə keçməsindən asılı ola bilər.
"İnkubasiya dövründə yumurtaların saxlandığı yuvanın istiliyi bir qədər artdıqda hüceyrələrin bölünməsi prosesi təsirlənir, bu isə mutasiyalara gətirib çıxara bilər", - Britton deyib.
"Bala timsahların bəzən ağ rəngdə olması nadir hal deyil", - Britton qeyd edir.
Lakin yumurtadan təzəcə çıxmış ağ timsahlara yırtıcılardan gizlənmək daha çətin olur.
"Mən ağ rəngli timsahları vaxtaşırı görürəm, lakin bu boyda irisinin ağ rəngdə olması nadir hadisə sayılır", - Britton deyib.
Mənbə: BBC Azərbaycan
Şərhlər
Şərhləri göstər Şərhləri gizlət