Ayasofyada bu gün ibadət mərasimi keçiriləcək - Ərdoğan da gələcək

86 ildə ilk dəfə İstanbuldakı qədim Ayasofyada bir müsəlman ibadət mərasimi keçiriləcək. Türkiyə prezidenti Rəcəb Tayyib Ərdoğanın da qatılacağı deyilir.

Ens.az KONKRET.az-a istinadən xəbər verir ki, bu haqda məlumatı BBC telekanalı yazıb.

Qədim xristian freskalarının ibadət edənlərin gözündən gizlədildiyi bildirilib.

Minlərlə müsəlmanın Sultanahmet meydanındakı məbədin önünə toplaşması gözlənilir. İçəridə, pandemiya ilə əlaqədar təhlükəsizlik tədbirləri sayəsində 500 nəfərdən çox adam qala bilməyəcək.

Bundan əvvəl Türk Dövlət Şurası Konstantinopolun türklər tərəfindən tutulduqdan sonra məscid kimi istifadə edilən keçmiş Pravoslav kafedralının binasına muzey statusu verilməsi ilə bağlı 1935-ci il hökumət qərarını ləğv edib.

Bir neçə saat sonra Ərdoğan orada müsəlman xidmətlərinin başlaması ilə bağlı fərman imzalayıb.

Türkiyə lideri uzun tarixi olan məbədi hər kəsin ziyarət edə biləcəyini və girişin pulsuz olacağını vəd edib.

Buna baxmayaraq, bir çox müşahidəçi xristian müqəddəslərini təsvir edən qədim freskaların qorunub saxlanmasından narahatdır.

Muzeyi məscidə çevirmək qərarı həm Türkiyədə, həm də dünyada çoxlu mübahisələrə səbəb olub. Buna ABŞ, Yunanıstan və Rusiyadakı siyasi və dini liderlər qarşı çıxıb.