Ens.az
20 oktyabr 2019, bazar
.
.
chevron_left chevron_right
İDMAN

Azərbaycan Avropa çempionatından beş medalla qayıdır

Azərbaycan Avropa çempionatından beş medalla qayıdır

Azərbaycan Avropa çempionatından beş medalla qayıdır

Son qitə çempionatlarında bir-birinin ardınca iki bürünc medal qazanmış Murad Hacızadə (+84 kq, şəxsi məşqçisi Rafael Məmmədov) Danimarkanın Olbo şəhərində keçirilən karate üzrə 21 yaşadək (U-21) gənclər arasında Avropa çempionu olub.

Oxu.Az xəbər verir ki, dörd görüşün heç birində xal buraxmayan seçmə komandanın lideri turnirin ən yaxşı idmançılarından birinə çevrilib.

M.Hacızadənin çempionluğu ümumi komanda sıralamasında geriləyən Azərbaycan karateçilərini dördüncü pilləyə yüksəldib.

Yarışın əvvəlki günləri Roman Heydərov (kata, U-21), Əminağa Quliyev (-61 kq, 16-17 yaşlılar), eləcə də, Tale Yaqubov (-63 kq, 14-15 yaşlı yeniyetmələr) ardıcıl ikinci dəfə qızıl medala, Hüseyn Məmmədli (-57 kq, 14-15 yaşlı yeniyetmələr) isə bürünc mükafata sahib olub.

Azərbaycan Milli Karate Federasiyasının prezidenti və Avropa Karate Federasiyasının (EKF) İdarə Heyətinin üzvü Yaşar Bəşirov mükafatlandırma mərasimində iştirak edib. EKF tərəfindən etimad göstərilən beynəlxalq hakim Cahangir Babayev qitə çempionatının final görüşlərini idarə edən xüsusi referilər qrupuna daxil edilib. 

Qeyd edək ki, Avropa çempionatında 34 dövlətin karateçiləri müxtəlif əyarlı mükafatlara, eləcə də, yalnız 14 ölkənin idmançıları qızıl medala sahib ola bilib. Bir bürünc medaldan əlavə, Danimarkada Azərbaycan himnini dörd dəfə səsləndirmiş karateçilərimizi oktyabrda daha mötəbər yarış – iki ildən bir keçirilən yeniyetmə və gənclərin dünya çempionatı gözləyir. Həmin yarış Çilinin paytaxtı Santyaqoda keçiriləcək.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Jeledən Tetris
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X