Ens.az
24 may 2019, cümə
.
chevron_left chevron_right


İDMAN

Azərbaycan gimnastı Dünya Kubokunda finala çıxmağa çalışır

Azərbaycan gimnastı Dünya Kubokunda finala çıxmağa çalışır

61 Baxış
Azərbaycan gimnastı Dünya Kubokunda finala çıxmağa çalışır

"Halqalarla hərəkətlərdə kombinasiyanı yerinə yetirdim, hər şeyi necə lazımdır etdim, qiymətləndirmə də pis deyil". Bunu Trend-ə açıqlamasında Azərbaycan gimnastı Nikita Simonov deyib.

N.Simonov bildirib ki, Milli Gimnastika Arenasında ab-hava möhtəşəmdir, azarkeşlər gimnastları ruhlandırırlar: "Bu, yarışlarda idmançılara kömək edir. Doğma məkanda çıxış etmək çox əladır".

Gimnast Bakıda keçirilən idman gimnastikası üzrə Dünya Kubokunda finala yüksəlmək üçün çalışdığını vurğulayıb:

"Düşünürəm ki, halqa əsas alətdir. Finala çıxmaq və bu həlledici mərhələdə yaxşı çıxış etmək üçün çalışıram. Bu turnirdə rəqiblər çoxdur, onlar arasında Ukrayna, Britaniya, İtaliya və Çindən olan idmançıları xüsusi fərqləndirmək lazımdır".

 

Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku keçirilir. Martın 17-nə qədər davam edəcək yarışların ilk günü kişilər təsnifat mərhləsində sərbəst hərəkətlər, paralel qollar və halqalar, qadın gimnastlar isə dayaqla tullanma və müxtəlif hündürlüklü qollar üzrə tapşırıqları yerinə yetirirlər.

Azərbaycanı Dünya Kubokunda Murad Ağarzayev, İvan Tixonov, Nikita Simonov və qadın idman gimnastımız Marina Nekrasova təmsil edirlər. M.Ağarzayev və N.Simonov üç alətdə çıxış edir, İ.Tixonov isə bütün alətlərdə gücünü sınayır. Qadın təmsilçimiz də bütün alətlərdə medallar uğrunda mübarizə aparır.

Dördgünlük turnir Tokio-2020 Yay Olimpiya Oyunlarına vəsiqə qazanmaq istəyən gimnastlar üçün mühüm keçid rolunu oynayacaq. Belə ki, olimpiyadaya təsnifat xarakterli bu yarışda iştirak etmək üçün 41 ölkə qeydiyyatdan keçib. Medallar və lisenziya xalları uğrunda isə 121 kişi və 49 qadın idman gimnast mübarizə aparır.


VİDEO QALEREYA
İnsan hər dəfə nəfəs aldıqda ağciyərlərdəki havanın 17%-i yenilənir.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X