Azərbaycan poloçuları Avropa çempionatına böyük hesablı qələbə ilə başladılar

Bu gün İtaliyanın Siyene şə­hərində start götürmüş Polo üzrə Avropa Çempionatının ilk oyununda Niderland komandası ilə qarşılaşan Azərbaycan yığma komandası rəqibini 7:3 hesabı ilə darmadağın edib.

Trend-in məlumatına görə, Avstriya, Almaniya, Fransa, Niderland, Slovakiya, İspaniya, İsveçrə, İrlan­diya, İtaliya kimi təcrübəli komandalar ilə bərabər Avropa qitəsinin ən mötəbər polo yarışına ilk dəfə qatılmış yığ­ma­mızın tərkibində Əli Rzayev, Elçin Camallı, Fabian Bolanterio, Agustin Kronhaus daha çox fərqləniblər.

Azərbaycan yığma komandasının baş məşqçisi Namiq Oru­cov turnirə böyük hesablı qələbə ilə başlayan komandamızın oyu­nundan razı qalmasını bildirib.

Xatırladaq ki, Bey­nəlxalq Polo Federasiyası və İtaliyanın Atçılıq İdmanı Federasiyası tərə­fin­dən birgə təşkil edilən Polo üzrə Avropa Çempionatı 30 sentyabr 2018-ci il tarixədək davam edəcək. Yarış təqviminə uyğun olaraq Azərbaycan yığma komandası 22 sentyabr tarixində Fransa, 26 sentyabr tarixində Slovakiya, 28 sentyabr tarixində İrlandiya yığmaları ilə görüşə­cək. Keçiriləcək 4 oyunun nəticəsinə əsasən ən çox xal top­la­yan komanda finalda digər qrupun qalibi ilə qarşılaşacaq.