Slimfit
  1. AZƏRBAYCAN

Azərbaycan regionda ən risksiz, etibarlı ölkədir

Azərbaycan regionda ən risksiz, etibarlı ölkədir
Sakura

Azərbaycan regionda ən risksiz, etibarlı ölkədir

“Azərbaycan regionda ən risksiz, etibarlı ölkədir”.

Bunu Publika.az-a açıqlamasında Prezident İlham Əliyevin Dünya İqtisadi Forumunun illik toplantısında keçirdiyi görüşlərə münasibət bildirərkən politoloq İlqar Vəlizadə səsləndirib.

O bildirib ki, ölkə başçısının Dünya İqtisadi Forumunun illik toplantısına səfəri çox dinamik keçir: “Cənab Prezidentin görüşlərinin sayına və həmin şəxslərin nüfuzuna diqqət yetirdikdə, bunu aydın görmək olar. Xüsusilə, Böyük Britaniyanın enerji şirkəti BP-nin baş icraçı direktoru Robert Dadli ilə olan görüş mühüm əhəmiyyət kəsb edir. Biz bilirik ki, BP dünyada aparıcı neft şirkətlərindən biridir. Şirkət dünyada neftlə bağlı işləri optimallaşdırır, kifayət qədər məhsuldar işləməyən passivləri bağlayır, daha çox vəsaiti perspektivli layihələrə yönəldir. Bu baxımdan Azərbaycanla davamlı iş onu göstərir ki, şirkət ölkəmizdə olan potensialı görür. Azərbaycanın neft-qaz sektorunun nə dərəcədə zəngin olduğunu anlayır və əməkdaşlıq qurmaq niyyətini ortaya qoyur”.

İlqar Vəlizadə düşünür ki, Pakistanla əməkdaşlıq Dağlıq Qarabağ probleminin həllində mühüm rol oynayacaq: “Bundan başqa, Azərbaycan Prezidentinin Pakistanın Baş naziri İmran Xanla olan görüşünü tərəfdaşlıq naminə atılmış mühüm addım saymaq olar. Pakistan çox vacib ölkədir. Nəzərə alsaq ki, yeganə müsəlman ölkəsidir ki, nüvə silahı var, bu, Pakistanın beynəlxalq aləmdə olan nüfuzundan xəbər verir. Əlbəttə ki, Azərbaycanla partnyor və dost ölkədir. Görüş isə bir daha onu göstərdi ki, Pakistan hər zaman Azərbaycanın yanındadır və yaralı yerimiz olan Dağlıq Qarabağ probleminin həllinə öz töhfəsini verməyə hazırdır”.

Politoloq bildirib ki, Azərbaycanın iqtisadi potensialı dünyanın bir çox şirkətlərini maraq dairəsinə salır: “Procter and Gamble Europe” kimi iri şirkətlər ölkəmizi təkcə partnyor və ya tərəfdaş kimi görmür. Eyni zamanda Azərbaycanın iqtisadi potensialını, digər ölkələrlə münasibətlərini nəzərə alaraq fəaliyyətlərini burada təşkil etmək istəyirlər. Onlar ölkəmizdə eyni zamanda region üzərindəki işlərini reallaşdırmağa can atırlar. Çünki Azərbaycan regionda ən risksiz, etibarlı ölkədir”.

İ.Vəlizadə “Naxçıvan” və “Qoşadaş” strukturlarının perspektivindən də danışıb: “ “Naxçıvan” və “Qoşadaş” yataqlarının Rusiyanın “LUKoil” şirkəti ilə birgə işlənməsi barədə imzalanan Anlaşma Memorandumu diqqətdən yayınacaq məsələ deyil. Həmin strukturlar Sovet dönəmində kəşf olunub. Orada bu günə qədər infrastruktur qurulmayıb ki, hansısa işlər aparılsın. Hazırda “LUKoil” şirkətinin yataqlara boru xətləri çəkməsi ilə bağlı fikirlər var. Eyni zamanda hasilatla bağlı fikir mübadiləsi aparılır. Hər iki struktur bizim üçün önəmlidir. Azərbaycanın digər yataqları da kifayət qədər zəngin olduğundan, xarici investorları cəlb edə bilər. Düşünürəm ki, ən azından bu il “LUKoil” “Qoşadaş”da işlərə başlayacaq. Çünki keçən il şirkətlə SOCAR arasında əldə edilən razılaşmada bu öz əksini tapıb”.


Politoloq vurğulayıb ki, Forum çərçivəsində aparılan danışıqlar məlum layihələrin reallaşmasında yenilikləri ortaya qoya bilər: “Azərbaycana dünyanın hər hansısa bir şirkəti tərəfindən investisiya yatırmaq niyyəti onu göstərir ki, ölkəmizdə bunun üçün münbit şərait var. Ötən il xüsusi qərarların qəbul olunması və bir çox ölkələrlə viza rejiminin asanlaşdırılmasının tətbiqi imkan yaradır ki, Azərbaycana biznes səfərləri artsın. İri şirkətlər də bunu görür”.

İ.Vəlizadə hesab edir ki, Davos Forumundakı açıqlamalar Azərbaycanın rəqabətədavamlılığının kifayət qədər böyük olduğunu göstərir: “Azərbaycanın əhalisi 10 milyon nəfərdir. Ümumən Cənubi Qafqazda yaşayanların sayı 17 milyondur. Yəni, onların yarısından çoxu Azərbaycanda yaşayır. Buradakı alıcılıq qabiliyyəti qonşu ölkələrdən çox yüksəkdir. Bu, cəlbedici və investisiya maraqlarına səbəb olan bir faktordur. Azərbaycanda iqtisadi proseslər proqnozlaşdırılandır. Bu, çox mühüm bir amildir. Çünki bir çox ölkələrdə iqtisadi prosesləri proqnozlaşdırmaq qeyri-mümkündür. Buna səbəb isə həmin dövlətlərdə valyuta sabitliyinin yaşanmamasıdır. Nəticədə onlarda kritik hədd yaranır. Azərbaycanda isə belə hal yoxdur. Bu nüans imkan yaradır ki, təklif və ya təşəbbüslə çıxış etdikdə investorlar ölkəyə maraq göstərsinlər”.



Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Məmmədbağır Bağırzadə (1950-2005) və Gülşən Qurbanova (1950-2006)

Redaktor seçimi

SON XƏBƏRLƏR