Azərbaycan rejissorunun filmi Kazan festivalının qalibi olub
Tatarıstanda XIII Kazan Beynəlxalq Müsəlman Kinosu Festivalı başa çatıb. Azərbaycan rejissoru Teymur Daiminin “Bu, sevgidir” filmi “Ən yaxşı qısametrajlı film” nominasiyasının qalibi olub.
“Ən yaxşı film” adına isə rejissor Müstafa Karanın “Kələndər soyuğu” filmi layiq görülüb. Ekran əsəri Macarıstan və Türkiyə kinematoqrafçılarının istehsalıdır.
Azərbaycanlı rejissor Anar Abbasovun “Amun” filmi ən yaxşı ssenarisi ilə fərqlənib. Həmyerlimiz bu filmi İvan Zavaruyevlə birlikdə ərsəyə gətirib.
Azərbaycanı təmsil edən digər rejissor Dariuş Nəcəfi Gölün “Səs” filmi “Ən yaxşı qısametrajlı oyun filmi” nominasiyanın qalibi olub.
Xatırladaq ki, Kazan Beynəlxalq Müsəlman Kinosu Festivalı Tatarıstan paytaxtında 2005-ci ildən keçirilir. Festivalın devizi “Mədəniyyətlərin dialoqundan dialoq mədəniyyətinə”dir.
Fəridə Abdullayeva
AZƏRTAC-ın xüsusi müxbiri
Şərhlər
Şərhləri göstər Şərhləri gizlət