3 iyun 2020, çərşənbə
.
.
chevron_left chevron_right
AZƏRBAYCAN

Azərbaycanda bazar və yarmarkalarda məhsulların satışı haqqında rəsmi statistika müşahidəsi forması təsdiqlənib

Azərbaycanda bazar və yarmarkalarda məhsulların satışı haqqında rəsmi statistika müşahidəsi forması təsdiqlənib

Azərbaycanda bazar və yarmarkalarda məhsulların satışı haqqında rəsmi statistika müşahidəsi forması təsdiqlənib

Azərbaycan Dövlət Statistika Komitəsi“Bazar və yarmarkalarda məhsulların satışı haqqında” 2-bazar №-li (rüblük) rəsmi statistika müşahidəsi formasını təsdiq edib.

Report” xəbər verir ki, bununla bağlı qərarı Komitə sədrinin birinci müavini Vahab Məmmədov imzalayıb.

Sənədə əsasən, bazar və yarmarkalarda məhsulların satışı üzrə statistika müşahidəsi ailə kəndli və ev təsərrüfatlarına özlərinin istehsal etdikləri məhsulların satışını həyata keçirmək, habelə digər fiziki şəxslərə ticarət fəaliyyəti göstərmək üçün ayrılmış ticarət yerlərində seçmə qaydada aparılan sorğuya əsaslanır.

Müşahidənin aparılmasında məqsəd ölkənin bazar və yarmarkaları üzrə, ümumilikdə, ticarət dövriyyəsinin statistik qiymətləndirilməsi üçün bir ticarət yeri üzrə məhsul satışının dəyərinə dair orta göstəricilərin əldə edilməsidir.

Müşahidə seçmə şəbəkəsinə daxil edilmiş bazar və yarmarkalarda hər rübün ikinci ayında olmaqla ildə 4 dəfə aparılır. Müşahidə seçilmiş ticarət yerlərinin hər birində iş və qeyri-iş günləri əhatə olunmaqla keçirilir və bu zaman hər bir bazar və yarmarka üçün həm iş günü, həm də qeyri-iş günü üzrə ayrılıqda müşahidə forması doldurulur. Müşahidəyə cəlb edilmiş ticarət yerlərinin sayından asılı olaraq sorğu ay ərzində bir və ya bir neçə iş və qeyri-iş günü davam etdirilə bilər.

Bazar və yarmarkalarda müşahidə məhsul qrupları üzrə müəyyənləşdirilmiş ticarət yerlərindən sadə təsadüfi seçmə metodu ilə seçilmiş ticarət yerlərində aparılır, seçmənin həcmi məhsul növləri üzrə seçilmiş ticarət yerlərinin sayı əsasında müəyyən edilir. Hər bir məhsul növü üzrə ticarət yerlərinin ümumi sayının 5 faizi əhatə olunanadək müşahidə növbəti seçilmiş ticarət yerlərində davam etdirilir.

Ayrı-ayrı məhsul növləri üzrə 5%-lik seçmə tətbiq edildikdə seçilmiş ticarət yerlərinin sayı 3-dən az olarsa, bu halda ümumi məcmudan əlavə seçilməklə 3 ticarət yeri müşahidəyə cəlb edilir. Baş məcmuda hər hansı məhsul növü üzrə ticarət yerlərinin ümumi sayı 3-dən az olduqda isə başdan-başa müşahidə üsulu tətbiq edilir və bütün ticarət yerləri üzrə müşahidə aparılır.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
General Əliağa Şıxlinski Molla Vəli Vidadinin nəticəsidir.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X