Azərbaycanda əsasən 60-90 min manatlıq mənzillərə ipoteka verilir - Cədvəl

Azərbaycanda əsasən 60-90 min manatlıq mənzillərə ipoteka verilir - Cədvəl

Azərbaycanın İpoteka və Kredit Zəmanət Fondunun (İKZF) portfelinin ipoteka predmetinin dəyəri üzrə pay bölgüsü açıqlanıb.

"APA-Economics"in Fonda istinadən verdiyi xəbərə görə, Fondun portfelində əsas yeri 60-90 min manatlıq kreditlər tutub. İKZF-in portfelinin 37,41% və ya 756 979 491 manatını məhz bu dəyərdə olan ipoteka kreditləri əhatə edib. Portfeldə ən az payı (0,57% və ya 11 602 560 manat) isə dəyəri 30 min manatadək olan ipotekalar təşkil edib.

Qeyd edək ki, hazırda 150 min manatadək ipoteka kreditləri minimal ilkin ödəniş 15% olmaqla maksimal 25 il müddətinə verilir. İllik faiz dərəcəsi zəmanət verilmiş kreditlər üzrə 8%, zəmanət verilməmiş kreditlər üzrə 7% təşkil edir.

İKZF-in portfelində 30.12.2019-cu il tarixinə ipoteka predmetinin dəyərinin pay bölgüsü:

№	İpoteka predmetinin dəyəri, AZN	Portfeldə payı, AZN	Portfeldə payı, %
1	60 000-90 000	756 979 491	37,41
2	30 000- 60 000	516 908 751	25,54
3	>120 000	433 608 103	21,43
4	90 000-120 000	304 617 908	15,05
5	<30 000	11 602 560	0,57