Slimfit
  1. CƏMİYYƏT

Azərbaycanda karantin niyə sərtləşdirilmir? - AÇIQLAMA

Azərbaycanda karantin niyə sərtləşdirilmir? - AÇIQLAMA
Sakura

Azərbaycanda karantin niyə sərtləşdirilmir? - AÇIQLAMA

“Vaksinasiya prosesi başlayandan etibarən bir neçə dəfə yoluxma hallarında ciddi artımlar müşahidə edilib. Buna baxmayaraq, karantin sərtləşdirilməsinə gedilməyib. Buna səbəb ölkədə aparılan vaksinasiya prosesinin müsbət nəticə verməsidir”. 

Ens.az Oxu.az-a istinadən xəbər verir ki, bu sözləri TƏBİB-in Xəstəliklərin kontrolu və profilaktikası departamentinin müdiri Yaqut Qarayeva Bakıda “COVID-19: Erkən və Gecikmiş Fəsadlar” mövzusunda beynəlxalq konfransda çıxış edərkən deyib.

O bildirib ki, pandemiyanın ilk dövrlərində vaksinasiya prosesi başlamadığı üçün həmin vaxt qapanmalar yeganə çıxış yolu idi:

“İndi isə vəziyyət fərqlidir. Vaksinasiyanın effektivliyini göstərən ən yaxşı nümunə məhz budur. Mütləq peyvənd vurdurmaq lazımdır. Bu gün həkimlərin də tövsiyəsinə uyğun olaraq buster doza vaksini vurdurmalıyıq”, - deyə o qeyd edib

Ölkəmizdə bu günə kimi həm pandemiya ilə mübarizədə, həm də Vətən müharibəsində tibb personallarının xidmətlərindən danışan Y.Qarayeva bildirib ki, pandemiya ilə mübarizəyə ölkə üzrə 43 551 tibb personalı cəlb olunub:

“Eyni zamanda 574 könüllü tibb işçisi, eləcə də xaricdən dəvət olunan 380 mütəxəssis bu proseslərə cəlb olunub. Vətən müharibəsi zamanı yaralılara 10 000 tibb personalı, 1300 könüllü, xaricdən dəvət olunan 100 mütəxəssis xidmət göstərib”.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Curiosity yeni ərazi üzərində (06.03.2019)

Redaktor seçimi

SON XƏBƏRLƏR