Azərbaycanda və digər ölkələrdə qanlı ay tutulması

Dərc edildi: 09 avqust 2017, 19.30 Baxış sayı: 4321

Bazer ertəsindən çərşənbə axşamı gününə keçən gecə ilin ilk Ay tutulması baş verib. Yer kürəsinin kölgəsinin Ayın üzərinə düşməsi kimi izah edilən bu hadisə təxminən 2 saat davam edib.

Fotoqraf Bəhruz Məmmədov Bakı şəhərindən (daha dəqiq Zabrat qəsəbəsindən) 2017-ci il 7 avqust tarixində 21.22-23.18 vaxt aralığında Qanlı Ay Tutulmasını (Qırmızı Ay Tutulması da adlandırılır) müşahidə edib və fotoşəkillərini qeyd edib. O bu barədə profilində daha ətraflı məlumat paylaşıb:

Ay orbitində hərəkət edərkən bəzən Yerin kölgəsindən keçir. Bu proses Ay tutulması adlanır. Ay tutulması Bədirlənmiş Ay fazasında ya da Ay düyün nöqtələrinə yaxın olduğu vaxt baş verir. Ay Yerin kölgəsində daxil olarkən üzərinə Günəş tərəfindən birbaşa olaraq işığın düşməsinin qarşısı alınır. Ay tutulmasının vaxtı təqribən 40 dəqiqə ilə 1 saat arasında dəyişir. Tutulma Ayın üfüq xəttindən yüksəkdə olduğu nöqtələrdən müşahidə oluna bilir. Ay Yerin kölgəsinə daxil olmasında baxmayaraq Günəş işığı Yerin atmosferində qırılaraq Ayın səthinə düşür və Ay bu səbəbdən Yerdən görülə bilir. İşıq Yer atmosferində qırıldığı üçün göy işıq udulur və Ayın səthinə qırmızı işıq çatır. Bu səbəbdən də Ay tutulma zamanı Yerdən üzərinə qırmızı kölgə düşmüş kimi görülür. Müşahidə yerindən asılı olaraq tutulma tam və ya qismən müşahidə oluna bilir. Əsasən ildə iki dəfə Ay tutulması müşahidə oluna bilir. Buna baxmayaraq Ay tutulmasının müşahidə olunmadığı ya da ildə üç dəfə müşahidə olunduğu dövrlər də ola bilər.

Sizə Bəhruz Məmmədovun çəkdiyi şəkilləri təqdim edirik: