Azərbaycanın Belarusdakı səfirliyi: Vətəndaşlarımız Zəfər seçkilərində fəal iştirak edirlər

Azərbaycanın Belarusdakı səfirliyi: Vətəndaşlarımız Zəfər seçkilərində fəal iştirak edirlər

Fevralın 7-nə təyin edilmiş növbədənkənar prezident seçkisi ilə əlaqədar Azərbaycan Respublikasının Belarus Respublikasındakı səfirliyində səsvermə keçirilir.

Ens.Az-ın məlumatına əsasən,Səfirlikdən AZƏRTAC-a bildiriblər ki, 19 saylı Nərimanov birinci seçki dairəsi üzrə Azərbaycan Respublikasının Belarus Respublikasındakı səfirliyində yaradılmış 38 saylı seçki məntəqəsində səsvermə yerli vaxtla saat 08:00-da (Bakı vaxtı ilə saat 09:00) başlayıb.

Səfirliyimizdəki seçki məntəqəsində 300-ə yaxın Azərbaycan vətəndaşının səs verəcəyi gözlənilir. Zəfər seçkilərində vətəndaşlarımız fəal iştirak edirlər.

Qeyd edək ki, prezident seçkiləri ilə əlaqədar 37 ölkədə 49 məntəqə səsvermə üçün hazır vəziyyətdədir. Məntəqələr səfirliklərdə və konsulluqlarda yaradılıb.