5 aprel 2020, bazar
.
.
chevron_left chevron_right
AZƏRBAYCAN

"Azərbaycanın Kürdəmir rayonunda da turizmi inkişaf etdirmək olar"

"Azərbaycanın Kürdəmir rayonunda da turizmi inkişaf etdirmək olar. Bunun üçün birinci növbədə iş adamlarının təşəbbüsü olmalıdır".

171 Baxış
"Azərbaycanın Kürdəmir rayonunda da turizmi inkişaf etdirmək olar"

Bu fikirləri "Ölkə.Az"a açıqlamasında Azərbaycan Turizm Assosiasiyasının (AzTA) sədri Nahid Bağırov bildirib. 

N.Bağırov deyib ki, hələlik yerli iş adamları Kürdəmirdə turizm infrastrukturunun qurulmasına maraq göstərmir:

"Yerli iş adamları Kürdəmir kimi təbiəti olar ərazilərə maraq göstərmirlər. Düşünürəm ki, bu istiqamətdə maarifləndirici tədbirlər həyata keçirilməlidir. Misal üçün, dövlət tərəfindən Kürdəmirdə turizmin inkişafı üçün proqramlar həyata keçirilməlidir. Misal üçün, Kürdəmirdə turizm obyekti qurmaq istəyən sahibkarları vergidən azad etmək ola bilər. Vaxtilə bu cür addımları qonşu Gürcüstan və Türkiyə dövlətləri ataraq, ölkədə turizmi inkişaf etdirə biliblər. Dövlət bütün kommunikasiya xəttlərini çəkir və sahibkara yalnız gəlib o yerlərdə otel tikmək və sairə qalır. Düşünürəm ki, bunu Kürdəmir rayonunda da etmək olar".

Assosiasiyası sədri sahibkarlara da çağırış edib:

"İlk növbədə sahibkar tərəfindən belə bir təşəbbüs irəli sürülsə, əminəm ki, dövlət də onlara yaxından dəstək verəcək. Digər tərəfdən isə turizm şirkətləri Kürdəmirə də tur-paketlər təşkil edə bilər. Ancaq indi turizm şirkətləri Kürdəmirə turist göndərsə, onlar məmnun olmazlar. Çünki Kürdəmir səhralıqdır, biz heç orada yaxşı şəraitli otel görməmişik. Bu günki gündə ora turist göndərməyin heç bir mənası yoxdur. Əgər Kürdəmirdə də yaxşı şərait yaradılsa, ora da turist axını olar". 

N.Bağırov qeyd edib ki, Kürdəmirin təbiəti ovçuluq turizmi üçün əlverişlidir:

"Bu gün ovçuluq turizmi üçün imkanlar da çox genişdir. Ekologiya və Təbii Sərvətlər Nazirliyi bu sahədə çox şəffaf şərait yaradıb. Turistlər çox cüzi vəsait, təqribən 36 manat ödəniş etməklə ov edə bilərlər".





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Arılar heç vaxt yatmır.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X