Slimfit
  1. AZƏRBAYCAN

Azərbaycanın nümayəndə heyəti beynəlxalq simpoziumda iştirak edib

Azərbaycanın nümayəndə heyəti beynəlxalq simpoziumda iştirak edib
Sakura

Azərbaycanın nümayəndə heyəti beynəlxalq simpoziumda iştirak edib

 

Azərbaycan prokurorluq orqanları korrupsiyaya qarşı mübarizə sahəsində nüfuzlu beynəlxalq təşkilatlar və xarici tərəfdaşlarla səmərəli əməkdaşlığını davam etdirir.

"Qafqazinfo"ya daxil olan məlumata görə,cari il mayın 22-dən 24-dək Çin Xalq Respublikasının xüsusi statuslu inzibati ərazisi olan Honq-Konqun Korrupsiyaya qarşı Mübarizə üzrə Müstəqil Komissiyası (ICAC) və Beynəlxalq Anti-Korrupsiya Qurumları Assosiasiyasının (IAACA) birgə təşkilatçılığı ilə “Korrupsiya qarşı mübarizə - yeni perspektivlər” mövzusunda beynəlxalq simpozium keçirilib.

50-dən artıq ölkənin 500-dən artıq nümayəndəsinin qatıldığı 7-ci tədbirdə ölkəmizi Baş prokuror yanında Korrupsiyaya qarşı Mübarizə Baş İdarəsinin Təşkilati və informasiya idarəsinin rəisi Səbuhi Alıyev və Baş İdarənin Əməliyyat təminatı şöbəsinin rəisi Fuad Rəsulovdan ibarət nümayəndə heyəti təmsil edib.

Simpoziumda korrupsiyaya qarşı mübarizədə yeni təşəbbüslər və yanaşmalar, effektiv qabaqlayıcı tədbirlər, şəffaflıq mühitinin formalaşdırılması və bu sahədə ictimai maarifləndirmə, hüquqpozmaların qarşısının alınması yolları, eləcə də cinayət yolu ilə əldə edilmiş əmlakların bərpası istiqamətində ən yaxşı təcrübələr müzakirə edilib.

Tədbir çərçivəsində ölkəmizin nümayəndə heyəti ilə ICAC nümayəndə heyəti arasında ikitərəfli görüş keçirilib.

Görüşdə ölkəmizdə korrupsiyaya qarşı mübarizə fəaliyyətinin hüquqi və institusional əsasları, reallaşdırılan sistemli tədbirlər, həmçinin Azərbaycan Respublikası Prezidentinin 3 aprel 2019-cu il tarixli Fərmanına uyğun olaraq həyata keçirilən məhkəmə-hüquq sistemində şəffaflığın təmin edilməsinə yönəlmiş geniş miqyaslı islahatlar barədə iştirakçılara ətraflı məlumat verilmiş, qurumlar arasında qarşılıqlı əməkdaşlıq məsələləri müzakirə edilib.

Azərbaycan nümayəndə heyəti, həmçinin ICAC tərəfindən təşkil edilmiş korrupsiyaya qarşı mübarizədə qabaqlayıcı və cinayət-hüquqi, eləcə də maarifləndirmə tədbirləri istiqamətlərini əhatə edən təlimlərdə iştirak etmişlər.

 

 
Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Maraqlıdır

Redaktor seçimi

SON XƏBƏRLƏR