9 aprel 2020, cümə axşamı
.
.
chevron_left chevron_right
AZƏRBAYCAN

Azərbaycanlı alim erməni mənbələrindəki saxtakarlıqları ifşa edib

Azərbaycanlı alim erməni mənbələrindəki saxtakarlıqları ifşa edib

501 Baxış
Azərbaycanlı alim erməni mənbələrindəki saxtakarlıqları ifşa edib

Türkiyənin Kayseri şəhərindəki Ərciyəs universitetinin professoru Qafar Çaxmaqlı XX əsrin əvvəllərindən bəri Qərb ölkələrində “erməni  məsələsi”nə dair çap edilən memuarların əksəriyyətinin həqiqəti əks etdirmədiyini ortaya çıxarıb. APA-nın Türkiyə müxbirinin məlumatına görə, Türk Tarix Qurumu və Aydın şəhərindəki Adnan Menderes adına universitetin birgə təşkil etdiyi “Osmanlıdan Cümhuriyyətə beynəlxalq xatirat” mövzusundakı konfransda çıxış edən professor Qafar Çaxmaqlı   Ruben Ter-Minasyanın 1952-ci ildə ABŞ-da çap edilən “Bir inqilabçının xatirələri” adlı kitabında  ermənilərin Osmanlı torpaqlarında qətliamlar törətdiklərinə dair faktlar yer aldığına görə, erməni vəhşiliyinin mühüm dəlili olan o kitabın ermənilərin özləri  tərəfindən mağazalardan yığışdırıldığını bildirib.

Professor Qafar Çaxmaqlı Birinci dünya müharibəsi illərində ABŞ-ın İstanbuldakı səfiri olan Henri Morqentaunun erməni katibləri tərəfindən yazılan xatirələrinin də saxta olduğuna diqqəti cəlb edib: “2 il İstanbulda yaşayan Morqentau bir dəfə də olsa şəhərdən kənara çıxmadığı halda Osmanlı imperiyasının ən uzaq guşələrində cərəyan edən hadisələri öz gözləri ilə necə görə bilərdi?”. Qafar Çaxmaqlı, Birinci dünya müharibəsi illərində yüzbaşı olan Sarkis Torosyanın xatirələrinin də saxta olduğunu ifşa edib.

Türk Tarix Qurumunun Aydın şəhərindəki Adnan Menderes universiteti ilə birgə təşkil etdiyi beynəlxalq konfransda Qərb ölkələrindən, keçmiş sovet respublikalarından, Orta Şərq ölkələrindən və Azərbaycandan alimlər iştirak edir.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
İnsanda doğulanda 300 sümük olur, böyüyəndə isə 206-sı qalır
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X